18:50
(077) 610-22-33

Rauf Mirqədirovun həbs müddəti uzadıldı

  • >
756 6 May 2015 18:57 | Hadisə

Həbsdə olan jurnalist Rauf Mirqədirovun barəsində olan həbs qətimkan tədbirinin müddəti uzadılıb.

AzNews.az xəbər verir ki, bu barədə APA-ya R. Mirqədirovun vəkili Elmar Süleymanov məlumat verib. Vəkil bildirib ki, Nəsimi Rayon Məhkəməsində keçirilən proses zamanı istintaq orqanın nümayəndəsi R. Mirqədirov barəsində seçilmiş həbs qətimkan tədbirinin müddətinin 6 ay uzadılmasını istəyib. Lakin məhkəmə həbs qətimkan tədbirinin müddətini 4 ay uzadıb .

E. Süleymanov həmin qərardan apellyasiya şikayəti verəcəklərini bildirib.

R. Mirqədirov ötən il aprelin 19-da Türkiyədə saxlanılaraq Azərbaycana deportasiya olunub. O, Cinayət Məcəlləsinin 274-cü (dövlətə xəyanət) maddəsinə əsasən ittiham olunur.

Ötən il aprelin 19-da saxlanılan R. Mirqədirov barəsində 3 ay müddətinə həbs qətimkan tədbiri seçilib. Bundan sonra R. Mirqədirov barəsində seçilmiş həbs qətimkan tədbirinin müddəti bir neçə dəfə uzadılıb.
Bağla X