Stolüstü tennisçilərimiz Fransada çempionatın qalibi oldular

Fransanın Metz şəhərində gənclər arasında keçirilən stolüstü tennis üzrə “Fransa Open” çempionatında komanda yarışları başa çatıb.

Azərbaycan Stolüstü Tennis Federasiyasından AzNews.az-a verilən məlumata görə, qızlardan ibarət Azərbaycan komandası I yeri tutaraq çempionatın qalibi olub. Oğlanlardan ibarət komandamız isə II yerə layiq görülüb.

Qeyd edək ki, qızlar arasında şəxsi yarışlarda da Azərbaycan tennisçisi qızıl medal qazanmışdı.