Prezidentdən Ronaldoya hədiyyə - 400 nömrəli forma

“Real”ın prezidenti Florentino Perez Kriştiano Ronaldoya forma hədiyyə edib.

AzNews.az Qol.az-a istinadən xəbər verir ki, Çempionlar Liqasının yarımfinalında "Atletiko"ya qarşı ilk matçda(3:0) het-trik edən portuqaliyalı futbolçu Madrid klubunda vurduğu qolların sayını 400-a çatdırıb.

Bu gün komandanı məşq zamanı ziyarət edən F.Perez bu münasibətlə 32 yaşlı hücumçuya arxasında 400 yazılmış forma hədiyyə edib.

Qeyd edək ki, K. Ronaldo bu mövsüm ümumilikdə 41 oyunda 35 qol vurub.