13:44
(077) 610-22-33

Vaqif Cavadov qol həsrətinə son qoydu

  • >
182 7 Fevral 2013 09:53 | İdman

Azərbaycan milli komandasının futbolçusu Vaqif Cavadov yığmadakı qol həsrətinə son qoyub.



Apasport.az saytının məlumatına görə, fevralın 6-da Dubayda Lixtenşteynə qarşı keçirilən qarşılaşmada fərqlənən hücumçu 519 gündən sonra millidə qol sevinci yaşayıb.

Cavadov sonuncu dəfə indi olduğu kimi ayın 6-da – 2011-ci ilin sentyabrında fərqlənmişdi. Həmin vaxt hücumçumuz Avro-2012-nin Qazaxıstanla seçmə oyununda rəqib qapısına yol tapmışdı.

Lixtenşteynə penaltidən vurulan bu qol Vaqifin millidə 8-ci belə uğuru oldu. Bununla da o, yığma tarixinin bombardirləri siyahısında 2-ci yerin vahid sahibinə çevrildi. Şərikləri Branimir Subaşiç və Elvin Məmmədovu arxada qoyan Cavadov indi liderdən 6 qol geri qalır. Bu isə futbolçunun "Qarabağ"dakı baş məşqçisi Qurban Qurbanovdur. Milli tarixinin ən məhsuldar oyunçusu olan sabiq hücumçunun hesabında 14 top var.

AzNews.az
Bağla X