Gimnastımız Azərbaycanın 25-ci qızıl medalını qazandı - Yenilənib 3

Azərbaycan idmançısı Murad Ağarzayev Bakı-2017 IV İslam Həmrəyliyi Oyunlarının idman gimnastikası yarışlarında sərbəst hərəkətlərin yekunu üzrə Azərbaycanın 25-ci qızıl medalını qazanıb.

AzNews.az-ın məlumatına görə, gimnastımız M.Ağarzayev 14.400 balla bütün rəqiblərini qabaqlayıb.

Gümüş medala Əlcəzair təmsilçisi Əhməd Anis Mauc (13.350 bal), bürünc medala isə türkiyəli Əhməd Öndər (13.100) layiq görülüb.

***

IV İslam Həmrəyliyi Oyunlarının idman gimnastikası yarışlarında Timur Bayramovun yekun nəticəsi 13.100 bal olub. Beləliklə, o, bürünc medala yiyələnib.

***

İslamiadada Azərbaycan gimnastı Marina Nekrasova 13.750 bal yekun nəticə ilə gümüş medal qazanıb.

***

İslam Həmrəyliyi Oyunları çərçivəsində Azərbaycan gimnastı Yekaterina Tişkova 12.400 xalla gümüş medal qazanıb.