- Köhnə - İdman
- 24 İyun 2017 20:59
- 3 273
Portuqaliya və Meksika yarımfinalda - Rusiya mübarizəni dayandırdı
Bu gün FİFA Konfederasiyalar Kuboku – 2017-də qrup mərhələsinə yekun vurulub.
Son iki oyunun nəticəsinə əsasən yarımfinalçılar müəyyənləşib.
AzNews.az Apasport.az-a istinadən xəbər verir ki, son matçlar olduğundan iki qarşılaşma da eyni saatda start götürüb.
İki oyundan sonra 3 xalı olan meydan sahibləri Rusiya millisi 4 xala malik Meksika ilə üz-üzə gəlib. Bu matç ruslar üçün son şans idi. Ancaq Stanislav Çerçesovun yetirmələri ələ düşən son imkanı da boşa veriblər. Amerikalılar 2:1 hesablı qələbə qazanaraq yarımfinala çıxıblar. Ruslar isə yarışın bundan sonrakı oyunlarını azarkeş kimi izləyəcəklər.
Bu matça qədər 4 xalı olan bir digər komanda Portuqaliya isə Yeni Zelandiya ilə qarşılaşıb. Aşkar autsayder olan okeaniyalıların pireneylilər qarşısında heç nə ilə yadda qalmayacağı gözlənilən idi. Ronaldo və dostları 4:0 hesablı darmadağınlar qrupu lider kimi başa vurublar.
Konfederasiyalar Kuboku – 2017
3-cü tur
24 iyun
Meksika – Rusiya - 2:1
Qollar: Araujo, 30, Lozano, 52, - Səmədov, 25
Yeni Zelandiya – Portuqaliya - 0:4
Qollar: Ronaldo, 33, Silva, 37, Andre Silva, 80, Nani, 90+1
Portuqaliya - 7, Meksika - 7, Rusiya - 3, Yeni Zelandiya - 0.