Millimizin sabiq üzvü Türkiyədə qəzaya düşdü

Azərbaycan millisinin sabiq futbolçusu Uğur Pamuk qəzaya düşüb.

AzNews.az Apasport-a istinadən xəbər verir ki, hadisə Türkiyədə baş verib.

“Manisaspor”un yay fasiləsində heyətinə cəlb etdiyi 28 yaşlı yarımmüdafiəçi dünən gecə avtomobil qəzasına uğrayıb. Nəticədə sabiq “Sumqayıt”lının çiyni sınıb.

Qeyd edək ki, Uğur Pamuk müxtəlif vaxtlarda ölkəmizdə “Xəzər Lənkəran” və “Sumqayıt” klublarında çıxış edib.