Patrikin Olimpiadada mübarizə vaxtı bilindi

Cənubi Koreyanın Pyanqçanq Qış Olimpiya Oyunlarında Azərbaycan idmançısı Patrik Braxnerin sabah start xəttinə neçənci çıxacağı dəqiqləşib.

AzNews.az xəbər verir ki, bu, püşkatmanın nəticəsinə əsasən müəyyənləşib.

Belə ki, slalom yarışlarında ölkəmizi təmsil edəcək milliləşdirilmiş avstriyalı birinci cəhddə mübarizəyə 68-ci qoşulacaq. Bu növdə mükafatlar uğrunda isə 108 atlet iştirak edəcək.

Yarışda ilk cəhd Bakı vaxtı ilə saat 05:00-da, ikinci cəhd isə 08:30-da başlayacaq.