Gəncədə idman paradı keçirilib - Yenilənib (Fotolar + Video)

əncə 2019-cu il üçün Avropa İdman Şəhəri tituluna layiq görülüb. Bu münasibətlə Gəncədə “İdman paradı” keçirilib.

AzNews.az xəbər verir ki, Gəncə şəhər İcra Hakimiyyəti və şəhər Gənclər və İdman Baş İdarəsinin təşkilatçılığı ilə reallaşan parad Heydər Əliyevprospekti, GDU-nun III tədris binasının önündə başlayıb.

Hərbi orkestrın müşayəti ilə 5 mindən artıq parad iştirakçısı şəhərin baş meydanına yürüş edib. Olimpiya, Avropa və Dünya çempionu titulunu daşıyan tanınmış idmançılar, şəhərin idman məktəblərində çalışan məşqçi-müəllimlər, həmin təlim müəssisələrində təhsil alan şagirdlər, Kəpəz Peşəkar Futbol Klubunun əsas və əvəzedici heyəti, orta məktəb “Şahin”ləri, habelə tələbə-gənclər Gəncənin 2019-cu il üçün Avropa İdman Şəhəri tituluna layiq görülməsini coşğu ilə qarşılayıblar. Parada YAP Gəncə şəhər Təşkilatının fəal gəncləri də qoşulub.

Gəncənin mərkəzi meydanına gələn parad iştirakçıları burada alqışlarla qarşılanıblar. Havaya rəmzi olaraq rəngli şarlar və sülh göyərçinləri uçurulub.

Gəncə şəhər İcra Hakimiyyətinin başçısı Elmar Vəliyev qeyd edib ki, 2016-cı ildə Avropanın Gənclər Paytaxtı, 2017-ci MDB ölkələrinin Mədəniyyət Paytaxtı olan Gəncə, ACES Europe təşkilatı tərəfindən növbəti il üçün Avropanın İdman Şəhəri tituluna layiq görülüb. Bu münasibətlə bütün gəncəliləri təbrik eən şəhər rəhbəri bildirib ki, növbəti il Gənclər və İdman, Təhsil Nazirlikləri, o cümlədən digər müvafiq qurumlarla birgə şəhərdə müxtəlif layihələr reallaşdırılacaq və biz çalışacağıq ki, Avropanın İdman Şəhəri adını layiqincə daşıyaq.

Gəncədə hazırda 3 idman məktəbi var ki, bu təlim ocaqlarının yetirmələri həm ölkə, həm Avropa, həm də dünya miqyaslı yarışlarda dəfələrlə yüksək nailiyyətlər əldə edərək, Azərbaycanın üç rəngli bayrağını dalğalandırıblar. Gəncədə bir peşəkar - “Kəpəz”, bir də həvəskar - “Xəmsə” futbol klubları fəaliyyət göstərir.

Parad imançıların nümunəvi çıxışları və “RedBull” şirkətinin təşkil etdiyi futbol oyunu ilə davam edib.

Məlumat üçün qeyd edək ki, ACES Europe, yəni Avropanın İdman Şəhərləri və Paytaxtları Federasiyası Avropa Parlamentinin idman siyasətini həyata keçirən bir təşkilatdır. ACES Europe hər il 9-19 şəhəri “Avropa İdman Şəhəri”, bir şəhəri isə “Avropa İdman Paytaxtı” titulu ilə təltif edir. Layihə 4 ildir ki, reallaşdırırlır.

***

Gəncə 2019-cu il üçün Avropa İdman Şəhəri tituluna layiq görülüb.

AZƏRTAC-ın bölgə müxbiri xəbər verir ki, bu münasibətlə Gəncə şəhərində idman paradı keçirilib.

Beş mindən çox parad iştirakçısı hərbi orkestrın müşayiəti ilə Gəncə Dövlət Universitetinin 3-cü tədris binasının önündən Heydər Əliyev prospekti boyunca şəhərin baş meydanına yürüş edib. Olimpiya, dünya və Avropa çempionları, şəhərin idman məktəblərinin məşqçi-müəllimləri və şagirdləri, Kəpəz Peşəkar Futbol Klubunun heyəti, orta məktəblərin “Şahin”ləri, habelə tələbə-gənclər Gəncənin 2019-cu il üçün Avropa İdman Şəhəri tituluna layiq görülməsini coşqu ilə qarşılayıblar. Şəhər icra hakimiyyətinin və Gənclər və İdman Baş İdarəsinin təşkilatçılığı ilə keçirilən parada Yeni Azərbaycan Partiyası Gəncə şəhər təşkilatının fəal gəncləri də qoşulub.

Gəncənin mərkəzi meydanına gələn parad iştirakçıları burada alqışlarla qarşılanıblar. Havaya rəngli şarlar və sülh rəmzi olan göyərçinlər buraxılıb.

Şəhər icra hakimiyyətinin başçısı Elmar Vəliyev qeyd edib ki, 2016-cı ildə Avropanın Gənclər Paytaxtı, 2017-ci ildə MDB ölkələrinin Mədəniyyət Paytaxtı olan Gəncə “ACES Europe” təşkilatı tərəfindən 2019-cu il üçün Avropanın İdman Şəhəri tituluna layiq görülüb. Bu münasibətlə şəhər sakinlərini təbrik edən Elmar Vəliyev deyib: “Gələn il Gənclər və İdman Nazirliyi, Təhsil Nazirliyi, həmçinin digər müvafiq qurumlarla birgə şəhərdə müxtəlif layihələr reallaşdırılacaq. Çalışacağıq ki, Avropanın İdman Şəhəri adını layiqincə daşıyaq”.

Diqqətə çatdırılıb ki, Gəncədə hazırda üç idman məktəbi fəaliyyət göstərir. Bu məktəblərin yetirmələri həm ölkə, həm Avropa, həm də dünya miqyaslı yarışlarda yüksək nailiyyətlər qazanırlar. Şəhərdə peşəkar və həvəskar futbol klubları yaradılıb.

Paradda idmançıların nümunəvi çıxışları və “RedBull” şirkətinin təşkil etdiyi futbol oyunu maraqla izlənilib.

Qeyd edək ki, “ACES Europe” - Avropanın İdman Şəhərləri və Paytaxtları Federasiyası Avropa Parlamentinin idman siyasətini həyata keçirən təşkilatdır. “ACES Europe” hər il 9-19 şəhəri “Avropa İdman Şəhəri”, 1 şəhəri isə “Avropa İdman Paytaxtı” titulu ilə təltif edir. Layihə dörd ildir ki, reallaşdırırlır.

AzNews.az