Ulduz futbolçu Millidən getdi?

ULduz futbolçu David Silva İspaniya milli komandasındakı karyerasını başa vurduğunu açıqlayıb.

AzNews.az-ın məlumatına görə, 32 yaşlı yarımmüdafiəçi bu barədə öz "Twitter" səhifəsində yazıb.

Hal-hazırda karyerasını "Mançester Siti"də davam etdirən futbolçu klub və dünya səviyyəsində bir sıra titullara malikdir.

Qeyd edək ki, David Silva 2006-cı ildən yığma komandanın formasını geyinir. O, İspaniya millisində 129 oyun keçirib. Bu görüşlərdə o, 35 dəfə qapılara yol tapa bilib.

David Silva bir dəfə dünya, iki dəfə isə Avropa çempionatının qalibi olub. Daha öncə Xerard Pike də milli komandadakı karyerasının başa çatdığını bildirib.