06:19
(077) 610-22-33

“Orduda cinayət işlətmiş bir şəxsi yuxarı başda oturdublar“

  • >
534 7 May 2013 10:05 | İdman

"Onsuz da Elçin Məmmədovun hakimlikdən uzaqlaşdırılacağını bilirdim. Sadəcə, geci-tezi vardı. Hava limanında gənc hakimləri aldadıb pullarını alan adamın hakimlik etməsi düzgün deyil".

Apasport.az saytının məlumatına görə, bu fikirləri sabiq FİFA referisi İmanxan Sultani deyib.

Elçin Məmmədovun hakimlikdən qovulmağına münasibət bildirən Sultani belə onun nəinki meydana çıxmasının, heç hakimliyə gəlməyinin düzgün olmadığını deyib: "Elçin dəfələrlə bildirmişdi ki, məni işdən çıxarsalar, Ramin Musayevlə Xaqani Məmmədov haqda faktlarım var, onları ortaya qoyacağam. Belə çıxır ki, onu qovmaq üçün Hafiz və Zeynal Məmmədov kimi sözükeçənlərin ortaya çıxmağı lazım imiş. Deməli, Elçinin Ramin Musayevlə hansısa işbirliyi vardı. Orduda cinayət işlətmiş, necə nəfəri aldatmış bir şəxsi gəlib yuxarı başda oturdublar. Televiziya verilişlərində AFFA-nın hüquq müdafiəçisi rolunda danışması, kimlərisə günahlandırılması ictimaiyyətdə özü haqda mənfi fikirlər formalaşdırmışdı".

50 yaşlı keçmiş hakim Məmmədovun ümumiyyətlə, futbolda yerinin olmadığını söyləyib: "Nə futbol oynamışdı, nə də hakimlikdən xəbəri vardı. Ona tapşırılan bir qrup gəncə bildiyi şəkildə dərs verdi. Elçin cari mövsümdə bir neçə kobud səhv etsə, qərarları kiminsə maraqlarına uyğun versə də, növbəti turda yenə təyinat alırdı. Hərçənd, başqa hakim bir səhvə görə kənarlaşdırırdılar. Guya Hakimlər Komitəsinin sədri Xaqani Məmmədov idi. Axı Xaqani kimdir? İclaslarda Elçin sədrdən betər danışırdı. Özü və yanına çəkdiyi 2-3 gənc hakim oyunlara başqalarından daha çox təyinat alırdı. Çünki hər şeyi əlinə almışdı, sözü keçirdi".

AzNews.az
Bağla X