Türkiyə daxili polad magistrallarını Bakı-Tbilisi-Qars dəmir yoluna birləşdirəcək

Türkiyənin daxili polad magistralları Bakı-Tbilisi-Qars dəmir yolu xəttinə birləşdiriləcək.

AzNews.az Azərtac-a istinadla xəbər verir ki, Ankara və Sivas şəhərləri arasında 603 kilometrlik dəmir yolu çəkilir. Bu yolla sürət qatarları məsafəni 2 saata qət edəcək. İstanbul-Sivas yolunda isə hərəkət 5 saata başa çatacaq. Yaxın gələcəkdə tikintisi planlaşdırılan Sivas-Ərzincan-Ərzurum xəttinin Bakı-Tbilisi-Qars dəmir yoluna birləşdirilməsi nəzərdə tutulur.