Azərbaycan Banklar Assosiasiyasının (ABA) nəzdində Xəzinədarlıq və Fondların İdarə Olunması adlı Ekspert Qrupunun yaradılması planlaşdırılır. Azərbaycan Banklar Assosiasiyasının (ABA) nəzdində Xəzinədarlıq və Fondların İdarə Olunması adlı Ekspert Qrupunun yaradılması planlaşdırılır.

Banklarla bağlı yeni ekspert qrupu yaradılır

Azərbaycan Banklar Assosiasiyasının (ABA) nəzdində Xəzinədarlıq və Fondların İdarə Olunması adlı Ekspert Qrupunun yaradılması planlaşdırılır.

ABA-dan verilən məlumata görə, Ekspert Qrupunun yaradılmasının başlıca səbəbi son zamanlar bankların valyuta əməliyyatları, qiymətli kağızlar, törəmə əməliyyatlar, likvidliyin idarə olunması, valyuta mövqeyi, valyuta, faiz və likvidlik risklərinin idarə olunması, aktiv və passivlərin idarə olunması, aktivlərin transfer qiymətləndirilməsi və s. kimi istiqamətlərdə aktiv müzakirələrin, daxili proseslərin və əməliyyatların artdığını, eləcə də əlaqədar normativ qaydalar və prosedurlarda dəyişikliklərin baş verməsidir.

Son zamanlar bankların bu istiqamətdə aktiv əməliyyatları artıb və banklara aid normativ və prosedurlarda bu mövzularda dəyişikliklər baş verir. Qrupda bankın xəzinədarlıq rəhbərləri və kuratorları bir araya gələcək.

Aktiv və passivlərin idarə olunması, valyuta əməliyyatları, qiymətli kağızlar, kapital və pul bazarları, törəmə əməliyyatlar, fondların idarə olunması, likvidliyin idarə olunması, valyuta mövqeyinin idarə olunması, valyuta, faiz və likvidlik risklərinin idarə olunması, aktivlərin transfer qiymətləndirilməsi və digər məsələlər "Xəzinədarlıq və Fondların İdarə Olunması üzə Ekspert Qrupu"nun əsas müzakirə mövzuları kimi müəyyənləşdirilib.

Hazırda Azərbaycan Banklar Assosiasiyasının (ABA) nəzdində 9 Ekspert Qrupu fəaliyyət göstərir: hüquqi məsələlər üzrə, IT və IT təhlükəsizlik üzrə, ödəniş sistemləri və alternativ xidmət kanalları üzrə, kredit işi və risk üzrə, tədris strategiyaları və insan resursları üzrə, çirkli pulların yuyulmasına qarşı mübarizə və komplayns üzrə, daxili audit, mühasibat uçotu, vergi və hesabatlılıq üzrə, ipoteka krediti proqramının inkişafı üzrə, marketinq və PR üzrə.

Qeyd edək ki, ABA 1990-cı ildə kommersiya bankları tərəfindən təsis edilib. ABA-nın yaradılmasında əsas məqsəd üzv təşkilatların maraqlarını qorumaq, onların müxtəlif növ işgüzar xidmətlərə olan ehtiyaclarının ödənilməsinə yardım göstərmək və fəaliyyətlərini əlaqələndirməkdən ibarət olub. Hazırda 29 bank və 2 bank olmayan kredit təşkilatı, eyni zamanda, "Azericard" MMC ABA-nın üzvüdür.

Aznews.az