Azərbaycanda yükdaşıma xidmətləri bahalaşıb

Azərbaycanda 2018-ci ilin yanvar ayında nəqliyyat xidmətlərinin qiymətləri ötən ilin dekabr ayına nisbətən 0,3% ucuzlaşıb.

AzNews.az bu barədə Dövlət Statistika Komitəsinə istinadən xəbər verir.

Rəsmi statistikaya əsasən, sərnişindaşıma xidmətlərinin qiymətləri 3,0% azalıb, yükdaşıma xidmətlərinin qiymətləri isə 0,1% artıb. Ay ərzində poçt, kuryer və rabitə xidmətlərinin qiymətlərində əvvəlki ayla müqayisədə dəyişiklik müşahidə olunmayıb.