05:48
(077) 610-22-33

İrandan neft idxalı dayandırıldı

  • >
496 3 Avqust 2012 10:06 | İqtisadiyyat

Cənub Afrika Respublikası (CAR) İrandan neft idxalını dayandırıb. AzNews.az-ın xarici mətbuata istinadən verdiyi məlumata görə, CAR hökumətinin yaydığı açıqlamada İranın nüvə proqramı ilə bağlı tətbiq olunan ağır sanksiyalar səbəbindən bu ölkədən xam neft idxalının dayandırıldığı bildirilir. Qeyd edək ki, rəsmi Keyptaun bu addımı ABŞ dövlət katibi Hillari Klintonun səfəri ərəfəsində atıb. Xəbərdə o da bildirilir ki, ötən ay ölkənin neftə olan tələbatının böyük hissəsi Səudiyyə Ərəbistanından təmin olunub. Bundan əlavə, Anqola və Nigeriyadan da neft alınıb. Halbuki, CAR 2011-ci ilin mayından 2012-ci ilədək xam neftə olan tələbatının 35 faizini İrandan idxal edib. CAR ABŞ Dövlət Departamentinin İrana qarşı sanksiyalardan azad etdiyi 18 ölkədən biridir. Ancaq bu ölkəyə verilən 180 günlük müddət başa çatıb.
Sevinc
AzNews.az

Bağla X