Azərbaycan pulu dəyişdirilir

Azərbaycanda pul nişanlarının dizaynı və mühafizəsi daha da təkmilləşdiriləcək. Bu barədə Azərbaycan Mərkəzi Bankının Azərbaycanın milli valyutası – manatın tədavülə buraxılmasının 20 illiyi münasibətilə yaydığı məlumatda bildirilir.

Bankdan AzNews.az-a verilən məlumatda deyilir ki, Mərkəzi Bank milli valyutada pul nişanlarının etibarlığını və cəlbediciliyini yüksək səviyyədə saxlamaq üçün müasir tələblərə cavab verən növbəti nəsil pul nişanlarının dizayn və mühafizə fəlsəfəsinin hazırlanması ilə əlaqədar müvafiq layihənin icrasına başlayıb.

Xatırladaq ki, hazırda tədavüldə olan pul nişanları 2006-cı ildən, denominasiya nəticəsində tətbiq edilib.

Sevinc
AzNews.az