Yeznə qaynını bıçaqladı

Şamaxıda bıçaqlaşma hadisəsi baş verib.

APA-nın yerli bürosunun məlumatına görə, hadisə ötən gün şəhərin C. Cabbarlı küçəsi ev 46 ünvanında qeydə alınıb.

Şamaxı rayon sakini, 1981-ci il təvəllüdlü Şaiq Mustafayev qaynı, 1982-ci il təvəllüdlü İlqar Xələtovu aralarında yaranmış mübahisə zəminində mətbəx bıçağı ilə bıçaqlayıb.

İ. Xələtov Şamaxı Mərkəzi Rayon Xəstəxanasına çatdırılıb və əməliyyat olunub. Həkimlər onun vəziyyətini orta-ağır kimi qiymətləndirirlər.

Keçirilən əməliyyat-axtarış tədbirləri nəticəsində Ş. Mustafayev saxlanılaraq istintaqa təhvil verilib.

Faktla bağlı Şamaxı Rayon Polis şöbəsində cinayət işi açılıb, araşdırma aparılır.


AzNews.az