13:12
(077) 610-22-33

Ər və arvad amansızlıqla qətlə yetirilib

  • >
1 620 1 Mart 2014 19:32 | Kriminal

Göyçay rayonunda bir ailənin iki üzvü amansızlıqla qətlə yetirilib.

Hadisə Göyçay şəhərinin Xətai küçəsi, 22 ünvanında yerləşən mənzildə baş verib.

Qonşular bu gün saat 16:00 radələrində ev sahibi Quliyev Ağasəf Xəlil oğlunun və onun həyat yoldaşı Quliyeva Afət Əfəndi qızının meyitlərini yaşadıqları mənzildən tapıblar. Onlar dərhal Göyçay rayon Polis Şöbəsinə məlumat veriblər.

Hazırda hüquq-mühafizə orqanlarının əməkdaşları hadisə yerindədir. Ər və arvadın qan içində olan meyitləri rayon təcili və təxirəsalınmaz tibbi yardım stansiyasının maşını ilə Məhkəmə Tibbi Ekspertiza və Patoloji Anatomiya Birliyinin Göyçay rayon şöbəsinə aparılıb.

Təxminən 60-70 yaşlarında olan qadın və kişinin üzərində çoxsaylı xəsarətlər və zorakılıq əlamətləri aşkar edilib, evdəki əşyaların dağıdıldığı məlum olub. Ailə üzvlərinin nə vaxt, necə və hansı səbəbdən öldürüldüyü hələlik məlum deyil.

Faktla bağlı Göyçay rayon Prokurorluğu tərəfindən araşdırma aparılır.
(APA)
Bağla X