22:25
(077) 610-22-33

Şirkət rəhbəri korrupsiyaya görə həbs edildi – Azərbaycanda

  • >
5 263 16 Mart 2015 16:31 | Kriminal

Azərbaycanda şirkət rəhbəri həbs olunub.


Baş Prokurorluğun mətbuat xidmətindən AzNews.az-a verilən məlumata görə, həbs olunan şəxs "Golden Travel" MMC-nin direktoru Fariz Əhmədovdur.

Məlumata görə, F. Əhmədovun qanunsuz hərəkətləri barədə Baş prokuror yanında Korrupsiyaya qarşı Mübarizə Baş İdarəsinə daxil olmuş müraciət araşdırılıb.

Araşdırma zamanı "Delta Group" MMC-nin subagent qismində əməkdaşlıq etdiyi və müqavilə əsasında aviadaşıma biletlərinin satışı hüququ verdiyi "Golden Travel" MMC-nin direktoru Fariz Əhmədovun 2012-2014-cü illərdə aviadaşıma biletlərinin satışından əldə etdiyi etibar edilmiş özgə əmlakının 91 min manatını mənimsəmə və ya israf etmə yolu ilə ələ keçirməsində şübhələr üçün əsaslar olduğundan fakta görə Cinayət Məcəlləsinin 179.3.2 (külli miqdarda mənimsəmə və ya israf etmə) maddəsi ilə cinayət işi başlanıb.

Hazırda iş üzrə istintaq tədbirləri davam etdirilir.
Bağla X