İran Polad Aləmdardan şikayətçi oldu

“Kurtlar Vadisi” serialının 237 min lirə cərimə edilməsinin ardınca daha bir məlumat yayılıb. Bu dəfə İran tərəfi Radio-Televiziya Üst Qurumuna serialla bağlı şikayət edib.

İranın şikayət məktubunda serialda bu ölkənin əleyhinə olan ifadələrin yer aldığı bildirilir. Türkiyə mətbuatının məlumatına görə, etiraz məktubunda, iranlı diplomatlar haqqındakı səhnə və ifadələrin həqiqətə uyğun olmadığı vurğulanıb.

İran Dövlət Televiziyasının beynəlxalq mərkəzinin rəhbəri Seyid Məhəmməd Hüseyni tərəfindən göndərilən şikayət məktubunda İranın İstanbuldakı baş konsulunun təqdimatından narahatlıq da ifadə edilib.

Elnarə Əlosmanqızı
AzNews.az