Hava limanında əl çantasından 200 hamam böcəyi çıxdı

Çinin Quanqdonq əyalətində Bayun beynəlxalq hava limanında bir çütlüyün əl çantasında 200 hamam böcəyi aşkarlanıb.

AzNews.az məlumat verir ki, Çin mətbuatının xəbərinə görə, hamam böcəkləri "X-ray" cihazı vasitəsilə diqqət çəkib.

Şu Şuyu adlı təhlükəsizlik əməkdaşı "X-ray" cihazında bir paketin içərisində hərəkət eden qara şeylər olduğunu aşkar edib. Paket açılarkən bir hamam böcəyi çölə çıxıb, təhlükəsizlik əməkdaşı diksinərək geri tullanıb. Açılan paketdə 200 hamam böcəyinin olduğu ortaya çıxıb.

Kabinədə canlı heyvan daşınmasının qadağan olması səbəbiylə hamam böcəkləri müsadirə edilib.