“Qismətimdə oğlumun ölümünü görmək də varmış” - Xalq Şairi

“Həyatımın ən ağır faciəsini yaşadım.”

Bunu AzNews.az-a açıqlamasında Xalq şairi Fikrət Qoca oğlu Yalçın Qocayevin vaxtsız ölümündən danışarkən deyib. Övlad itkisinin ağır dərd olduğunu deyən şair bu faciəyə hələ də inanmaq istəmədiyini bildirib:

“Heç vaxt inanmazdım ki, oğlumun ölümünü görərəm. Sən demə, qismətimdə bu ağır faciəni görmək də varmış."

Fikrət Qoca Yalçın Qocayevin yaşadığı evin pilləkənindən düşərkən yıxıldığını qeyd edib:

“Onun səhhətində heç bir problem olmayıb. Apreldə 54 yaşı olacaydı. Nəsib olmadı, həyatı yarımçıq qaldı.”

Bahar RÜSTƏMLİ

AzNews.az