Xətainin heykəli köçürüləcək? - Nazirlikdən açıqlama

Mədəniyyət və Turizm Nazirliyi Şah İsmayıl Xətainin heykəlinin yerinin dəyişdirilməsi məsələsinə aydınlıq gətirib.

Nazirliyin Mədəni İrsin Qorunması, İnkişafı və Bərpası üzrə Dövlət Xidmətinin rəisi Zakir Sultanov AzNews.az bildirib ki, Şah İsmayıl Xətainin heykəlinin yerinin dəyişdirilməsi ilə bağlı bu quruma hər hansı müraciət daxil olmayıb.

“Hazırda heykəlin yerinin dəyişdirilməsi məsələsi müzakirə olunmur”.

Bakı Nəqliyyat Agentliyi Bakıda Şah İsmayıl Xətainin heykəlinin yerinin dəyişdiriləcəyini açıqlayıb. Qurum bunun "Yolların Optimallaşdırılması Layihəsi" çərçivəsində ediləcəyini bildirib.

Bahar RÜSTƏMLİ

AzNews.az