- Köhnə - Mədəniyyət
- 16 Avqust 2018 18:46
- 4 366
Əfsanəvi ifaçı vəfat etdi - Video
Rolling Stone jurnalına görə bütün dövrlərin ən möhtəşəm ifaçılarından biri olan Areta Franklin dünyasını dəyişdi.
AzNews.az Associated Press-ə istinadən xəbər verir ki, müğənni 76 yaşında ABŞ-da Detroytdakı evində ölüb.
Hələ avqustun 13-də kino tənqidçisi Rodcer Fridman "soulun kraliçası"nın ölüm yatağında olduğunu bildirmişdi. 2010-cu ildə ifaçıya xərçəng diaqnozu qoyulmuşdu. O, səhnədə son çıxışını 2017-ci ildə edib.
Areta Franklin ilk qadındır ki, onun adı rok-n-rollun şöhrət zalına daxil edilib. O, ritm-end-bluz, soul, qospel üslubunda kompozisiyalar ifa edirdi. Məşhurluğunun pik dövrləri ötən əsrin 60-cı illərinə təsadüf edir.
Güclü vokalına görə soulun kraliçası" ləqəbini qazanıb. Son studiya albomu - Aretha Franklin Sings the Great Diva Classics - 2014-cü ildə çıxdı. 2017-ci ildə müğənni karyeranın tamamladı.