04:15
(077) 610-22-33

“Ən qısa hekayə”nin qalibləri açıqlandı- Səsvermənin nəticələri (Yenilənib)

  • >
793 17 Yanvar 2014 15:44 | Mədəniyyət

Kulis.az mədəniyyət dərgisinin keçirdiyi "Ən qısa hekayə" müsabiqəsinin qalibləri məlum olub. Lent.az-ın məlumatına görə, Beynəlxalq Mətbuat Mərkəzində keçirilən tədbirdə elan edilib ki, birinci yerin qalibi 39 səslə "Veteran" hekayəsinin müəllifi Vüsalə Məmmədovadır. İkinci və üçüncü yerləri isə müvafiq olaraq 31 səslə Cavid Zeynallı ("Ata") və 28 səslə Rüfət Əhmədzadə ("Atdılar") tutub.

Tədbirdə çıxış edən Kulis.az-ın baş redaktoru Qan Turalı qeyd edib ki, müsabiqənin Facebook qalibi 3114 "like"la ("Zibanın nağılı") Mehman Telmanoğludur.

Baş redaktor bildirib ki, Kulis.az mədəniyyət dərgisinin keçən il dekabr 13-də elan etdiyi "Ən qısa hekayə" müsabiqəsində ümumilikdə 472 hekayə çap olunub və iştirakçılar onlayn səsvermə ilə bəyəndikləri 3 hekayəyə səs veriblər.

14 səslə dördüncü yeri tutan Şərif Ağayar və dəstək məqsədilə müsabiqədə iştirak etmiş yazıçı Afaq Məsud xüsusi mükafatla təltif ediliblər.

Kulis.Az mədəniyyət dərgisinin keçən il dekabr 13-də elan etdiyi "Ən qısa hekayə" müsabiqəsində ümumilikdə 472 hekayə çap olunub və iştirakçılar onlayn səsvermə ilə bəyəndikləri 3 hekayəyə səs veriblər.

Birinci yerin qalibi 300, ikinci yerin qalibi 200, üçüncü yerin qalibi 100 manat pul mükafatı ilə mükafatlandırılacaq.

Facebook sosial şəbəkəsində keçirilən sorğunun qalibi isə Kulis.az-ın xüsusi diplomu ilə təltif ediləcək.(12.44)

***

Səsvermə nəticələrinə BURADAN baxa bilərsiniz.

AzNews.az
Bağla X