17:28
(077) 610-22-33

Azərbaycanlı yazıçının kitabı dünyanın ən nüfuzlu universitetində

  • >
959 28 Yanvar 2014 11:21 | Mədəniyyət


Azərbaycan yazıçısı Varisin ``Son məktub`` romanı Avropanın ən nüfuzlu Universitetlərindən biri hesab edilən Böyük Britaniyadakı Birmingem Universitetinin kitabxanasının əsas fonduna qəbul edilib.

AzNews.az xəbər verir ki, bu barədə yazıçıya universitet ofisinin vitse-kansleri Lorna Musgrave yazaraq məlumat verib.

Qeyd edək ki, 30 000 tələbənin təhsil aldığı Birmingem Universiteti Avropanın 10, dünyanın 60 ən nüfuzlu universitetlərindən biridir, buranın 8 məzunu Nobel mükafatı laureatıdır. Birmingem Universiteti Kral Xartiyasına daxildir. Universitetin 12 kitabxanadan ibarət birləşmiş kitabxanası isə dünyanın ən böyük universitet kitabxanası hesab edilir. Burada Bibliyanın 1566-cı il unikal nəşri, Uilyam Şekspirin, Çarlz Dikkensin ilk dərc edilmiş kitabları qorunub saxlanır.

Kitabxana fonduna 6 milyon ən dəyərli kitab və əlyazması daxildir ki, bunların da 120 000-i XIX əsrədək işıq üzü görüb. Vikipediyanın bir məlumatına görə isə əgər kitabxanadakı bütün kitabları üst üstə yığsan, Everest zirvəsindən 8 dəfə yüksək bir zirvə alınar.

Universitet rəhbərliyinin azərbaycanlı yazıçının romanında diqqətini cəlb edən əsas cəhət əsərdə müxtəlif xalqlardan olan gənclərin saf sevgi hisslərinin tərənnüm edilməsi, eləcə də qəhrəmanlar arasında Birmingem Universitetinin iki məzununun - ingilis qız Qloriyayla pakistanlı oğlan Pərvizin də olmasıdır.

Onu da qeyd edək ki, ``Son məktub`` romanında Xocalı soyqırımı - ermənilərin törətdikləri vəhşiliklər də yer alıb.

Birmingem Universitetinin kitabxanasına yer məhdudluğu üzündən son illər ümumiyyətlə kitab qəbulunun dayandırılması barədə məlumat var idi.

Azər
AzNews.az
Bağla X