- Köhnə - Region
- 21 May 2016 13:10
- 8 610
17 erməni öldürən şəhidimizin medalı atasına verildi - Foto
Apreldə Ermənistanla silahlı qarşıdurmada şəhid olmuş Azərbaycan ordusunun hərbçisi Adil Adilzadə “Vətən uğrunda döyüşlərdə fərqləndiyinə görə” medalı ilə təltif olunub.
Medal şəhidimizin atasına hərbi xidmətdə olduğu N saylı Hərbi Hissənin komandanlığı tərəfindən verilib. Təqdimat mərasimi Mingəçevir şəhər Heydər Əliyev adına Mərkəzdə keçirilib. Xatırladaq ki, 1993-cü ilin aprelin 17-də Mingəçevir şəhərində doğulan Adil Adilzadə Tərtərdə yerləşən N saylı Hərbi Hissənin müddətdən artıq həqiqi hərbi xidmət edən hərbi qulluqçusu (MAHXHQ) olub. Aprelin 11-də Mingəçevirdə dəfn mərasimi keçirilən Adil Adilzadə Tərtər istiqamətində gedən döyüşlərdə yoldaşları ilə birlikdə 17 erməni hərbçisini məhv edib. O, hərbi xidmətdəki işinə yenicə başlamışdı. Qarşı-qarşıya döyüşdə əsgərimizlə bacarmayan düşmən onu snayperdən açılan atəşlə şəhid edib.
Cebhe.info