18:22
(077) 610-22-33

Kərkükdə gərgin anlar: terroristlər ticarət mərkəzini tutdu

  • >
470 5 Dekabr 2013 10:27 | Region

Dünən günorta saatlarında İraqın Kərkük şəhərində Kəşfiyyat İdarəsini ələ keçirməyə çalışan terroristlər, məqsədlərinə çatmayınca şəhər mərkəzindəki ticarət mərkəzlərindən birini ələ keçiriblər. Gecə yarısına qədər təhlükəsizlik qüvvələri və terroristlər arasında güclü atışma baş verib.

AzNews.az Türkiyə mətbuatına istinadən xəbər verir ki, binanın üçüncü mərtəbəsinə bomba yerləşdirən terroristlər dama çıxaraq ətrafdakıları atəşə tutublar. Ətrafdan keçən çoxlu sayda insanın yaralanması səbəbindən, təhlükəsizlik gücləri ticarət mərkəzini uzun müddət atəş altına saxlayıblar.

Türkiyə saat ilə 24.30 - a qədər davam edən qarşıdurma, təhlükəsizlik qüvvələrinin müdaxiləsi nəticəsində sona çatıb. Binadan əvvəl binada partlayışlar baş verib və ardından yanğın baş verib.

5 mərtəbəli böyük ticarət mərkəzi tamam yanıb. Binanı işğal edən terroristlərin yanaraq öldükləri ehtimal olunur. Hadisədən sonra Kərkük Qubernatoru Nəcməddin Kərim hadisə yerinə gələrək, jurnalistlərə açıqlamalar verib.

Elman
AzNews.az

Bağla X