- Köhnə - Region
- 10 Yanvar 2014 09:45
- 4 614
Rusiya Azərbaycana təsirini gücləndirməyə çalışacaq – “Stratfor”
Bu proqnoz Amerikanın "Stratfor" Analitik Mərkəzinin məlumatında yer alıb.
AzNews.az xəbər verir ki, analitik mərkəz Rusiyanın Gürcüstan və Moldovanın Avropa İttifaqı ilə yaxınlaşmasına mane olacağını bildirib: "Həmçinin Rusiya Azərbaycan və Ermənistana təsirini saxlamağa və gücləndirməyə çalışacaq. Ukraynada 2015-ci ilin əvvəlində keçiriləcək prezident seçkilərinə ciddi təsir göstərəcək.
Avrasiya tərəfdaşlığı isə Asiya ölkələrinin hesabına daha da möhkəmlənəcək. Bütün bunlar üçün Rusiyanın cəmi bir ili, yəni ABŞ-ın İranla danışıqlar aparacağı 2014-cü il var".
Mütəxəssislər belə hesab edir ki, Rusiya 3 Qafqaz respublikasında indiki mövqeyini qoruyub saxlamağa çalışacaq. Hərçənd Amerika-İran danışıqları bölgədə İran və Türkiyənin fəallaşmasına təsir göstərəcək:
"İran Azərbaycana siyasi və sosial sahələrdə təsirini artırmağa çalışacaq. Türkiyə isə Azərbaycan-Ermənistan danışıqlarında vasitəçi olmağa cəhd göstərəcək". Ümumilikdə isə "Stratfor" ekspertləri belə hesab edir ki, Rusiya 2014-cü ildə bütün cəbhələrdə mövqelərini möhkəmlədəcək: "Bununla belə Tehran və Vaşinqtonun yaxınlaşması kimi Rusiya tərəfindən qəbul edilməyən məqamlar da olacaq".
Elnarə
AzNews.az