23:17
(077) 610-22-33

Keçmiş nazirin bacanağı polisə təslim oldu

  • >
257 10 Yanvar 2014 13:16 | Region

Türkiyənin keçmiş dənizçilik, nəqliyyat və kommunikasiya naziri, hazırda hakim partiyadan İzmir bələdiyyə başqanlığına namizəd olan Binəli Yıldırımın axtarışda olan bacanağı Cəmaləddin Haberdar polisə təslim olub.

APA-nın verdiyi məlumata görə, C. Haberdar bu gün yerli vaxtla saat 11.15-də vəkili ilə birlikdə İzmir Əmniyyət Müdirliyinin (polis idarəsi) Qaçaqmalçılıq və mütəşəkkil cinayətkarlığa qarşı mübarizə şöbəsinə gedib. İfadəsi alındıqdan sonra onun prokurorluğa göndəriləcəyi bildirilir.

Xatırladaq ki, yanvarın 7-də Türkiyənin İzmir Cümhuriyyət Prokurorluğunun təlimatı əsasında korrupsiya, tenderlərdə qanunsuzluq ittihamı ilə yeni həbslər həyata keçirilib. İzmir, İstanbul, Ankara, Van və Hatayda 25 nəfər saxlanılıb. Onların arasında Dənizçilik, Nəqliyyat və Kommunikasiya Nazirliyinin tabeliyində olan İzmir və İskəndərun limanlarının rəhbər şəxsləri, eyni nazirliyin Dövlət Dəmir Yolları İdarəsinin sabiq və indiki məmurları, iş adamları da var. Polis Dövlət Dəmir Yollarının Ankaradakı Baş İdarəsinin binasında axtarış aparıb.


AzNews.az
Bağla X