03:08
(077) 610-22-33

Abdulla Şaiqin Borçalıdakı ev-muzeyi dağılır

  • >
896 5 Mart 2014 21:29 | Region

Görkəmli Azərbaycan yazıçısı, şair və pedaqoq Abdulla Şaiqin Gürcüstandakı Ev Muzeyi tamamilə bərbad vəziyyətdədir.

APA-nın Gürcüstan bürosunun məlumatına görə, muzey 2001-ci ildə Marneuli şəhərindəki Karkaraşvili küçəsində, şəxsi evdə yaradılıb. Muzeyin yaradılması Abdulla Şaiqin 120 illik yubileyinə təsadüf edib.

A.Şaiqin qohumu Kəmalə Axundova APA-ya açıqlamasında 2001-ci ildə onların evində muzeyə bir otaq ayrıldığını bildirib: "Bu təklifi mərhum Kamal Talıbzadə irəli sürüb. 2001-ci ildə muzeyin rəsmi qonaqların iştirakı ilə açılışı olub. Lakin indi demək olar ki, muzey yox dərəcəsindədir. Əlimizdə olan 34 şəkli də Marneulidəki Mədəniyyət Mərkəzinə təhvil verdik ki, itib-batmasın. Muzeyin bərpası və qeydiyyatı ilə bağlı Mədəniyyət Mərkəzi dəfələrlə Azərbaycan və Gürcüstan mədəniyyət nazirliklərinə, Azərbaycan səfirliyinə və bir çox əlaqədar təşkilatlara müraciət etsə də, heç bir nəticə hasil olmayıb".


AzNews.az
Bağla X