03:53
(077) 610-22-33

Azərbaycanlı iş adamı təzminat tələb edir- 100 minlik

  • >
793 14 Aprel 2014 09:08 | Region

Türkiyədə "Böyük rüşvət əməliyyatı"nda həbs olunan iranlı iş adamı Rza Zərrab Cumhuriyyət Xalq Partiyası (CHP) sədri Kamal Kılıçdaroğlu ilə yanaşı Milliyətçi Hərəkat Partiyasının (MHP) sədri Dövlət Baxçalıya qarşı da dava açıb.

"Qafqazinfo"nun Türkiyə mətbuatına istinadən verdiyi məlumata görə, Zərrab onun şəxsiyyət və ləyaqətini təhqir etdiyinə görə Baxçalıya qarşı dava açaraq ondan 100 min lirəlik təzminat tələb edib.

Davaya səbəb kimi Baxçalının onu 30 mart seçkilərinə 3 gün qalmış Kahramanmaraşda etdiyi çıxışda şarlatan adlandırması olub:

"İrandan bir şarlatan gəlib ki, onun nə olduğu da bilinmir. Bu İrandan gələn şarlatan 4 nazir oğlunu özündən asılı edərək nazirləri də rüşvətə alışdırıb. Türkiyəni soyub talayır. İranın embarqosunu ləğv etdirməyə çalışan bu şarlatan nazirlərlə daim iş fəaliyyətində olan bir şarlatandır. Bu iranlı şarlatan 43 gün sonra azadlığa çıxdı. Baş nazir Ərdoğan bunun üçün niyə bu qədər narahat oldu?".

AzNews.az
Bağla X