“O mahnı çalınan kimi hamı mənə baxır” “O mahnı çalınan kimi hamı mənə baxır”

Rafael efirdə Dilarə Əliyevadan üzr istədi - Video

“O mahnı çalınan kimi hamı mənə baxır”

AzNews.az xəbər verir ki, ARB TV-nin "Gəlin danışaq" verilişinin qonağı olan əməkdar artist Dilarə Əliyeva maraqlı açıqlamalar verib.

O, komediya janrının ona daha yaxın olduğunu vurğulayıb:

"Daha çox komediya janrında oynayanda özümü rahat hiss edirəm. Mən komediyanı çox ciddi janr hesab edirəm. Hətta nəfəsin düzgün alınıb-verilməməsi belə bütün hissəni poza bilər. Mən də ciddi işlə məşğul olmağı çox sevirəm. Özümə qarşı qadağalarım var. Açıq-saçıq səhnələrdə oynamaq, yüngül həyat tərzi sürən bir obrazı canlandırmaq istəmirəm".

Daha sonra aktrisa tərəf müqabili olan əməkdar artist Rafael İsgəndərovun onun haqda xoş sözlər deməsindən və üzr istəməsindən duyğulanıb:

"Mənim Rafaelə qarşı heç bir incikliyim yoxdur. Dediyi gözəl sözlərə görə çox sağ olsun. Bizim onunla tandemimiz uğurlu alınmışdı. Harada olsam, hansı məclisə getsəm, "Eşqin məhəbbəti" mahnısı çalınan kimi hamı mənə baxır. Mən də Məhəbbət olaraq hələ də çox sevilirəm. Bu da Qüdrətin məharətidir ki, çox uğurlu alındı. Çox işlərim, çox tandemlərim olub, amma bu, onların gözüdür".