“Tünzalədən reytinq qazanmayın, günahdır” - Məlahət Abbasova

€Əməkdar artist Məlahət Abbasova ATV kanalında yayımlanan “Bizimləsən” proqramını tənqid edib. O, son bir neçə gündür xərçəng xəstəliyindən əziyyət çəkən əməkdar artist Tünzalə Əliyevanın efirə çıxarılmasına iradını bildirib.

AzNews.az-ın xəbərinə görə, aktrisa sosial şəbəkədə qeyd edib ki, proqram heyəti həmkarını aciz göstərir və ona stres yaşadır:

“Tünzalə Əliyevaya yardım etmək istəyirsizsə, onu bu qədər stresə soxmaq lazım deyil. Yaşadığı hər stres ona ziyandır. Tünzalə xanımın əhval-ruhiyyəsini yüksəltmək, ürək-dirək vermək lazımdır. Kameralar qarşısında onu bu qədər aciz göstərmək, ağlatmaq və stresə soxmaq ən böyük pislikdir. Tünzalə Əliyevanın xəstəliyindən reytinq qazanmasınlar, günahdır”.

AzNews.az