09:37
(077) 610-22-33

210-la sürən müğənninin maşını cərimə meydançasında – FOTO + VİDEO

  • >
2 269 11 Avqust 2014 13:46 | Şou-biznes

Bir neçə gün öncə “avtoşluq” etdiyi video ilə gündəmə gələn müğənni Kərimin avtomobili cərimə meydançasına salınıb.



Bakı şəhər Dövlət Yol Polisi İdarəsinin bölmə rəisi Vaqiq Əsədovun Avtosfer.az-a verdiyi məlumata görə, Abbasov Kərim Fətulla oğlunun internetdə yayılmış video materialı ilə bağlı araşdırma aparılıb. Nəticədə avqustn 10-da axşam saatlarında onun idarə etdiyi Lexus markalı 90 VF 164 dövlət nömrə nişanlı avtomobil saxlanılaraq cərimə meydançasına aparılıb. Hazırda Kərim Abbasovun törətdiyi inzibati xəta ilə bağlı araşdırma davam etdirilir. Araşdırmanın nəticəsi ilə bağlı əlavə məlumat veriləcək.

Müğənni Kərim bu videonu onun meneceri olmuş Asim Əliyev tərərfindən çəkildiyini bildirib. Əlavə edib ki, Asimi işdən çıxartdığı üçün bu videonu qisas məqsədilə internetdə yayıb. Lakin Vaqif Əsədov qeyd edib ki, videonun qisas məqsədilə yayılmasından asılı olmayaraq müğənni Kərim inzibati məsuliyyətə cəlb olunacaq.

Xatırladaq ki, avtomobilini saatda 210 km sürətlə idarə edərkən çəkilmiş videosunu sosial şəbəkədə paylaşan K.Abbasov "Ulduz oldun, belədir. 200-lə getmək lazımdır" sözlərini yazmışdı.







AzNews.az
Bağla X