İsrail Türkiyəyə 20 milyon dollar təzminat ödəyəcək

Türkiyə və İsrail arasında münasibətlərin normallaşdırılmasını nəzərdə tutan qanun layihəsi Türkiyə parlamenti tərəfindən ratifikasiya edilib.

AzNews.az Türkiyə KİV-lərinə istinadən xəbər verir ki, parlamentdə qəbul edilən qanun layihəsinə görə, İsrail 2010-cu il may ayının 31-də basqın nəticəsində "Mavi Mərmərə" gəmisində ölən insanların ailələrinə 20 milyon dollar təzminat ödəyəcək.

Təzminat qanun qüvvəyə mindikdən sonra 25 gün ərzində ödənməlidir.