- Köhnə - Siyasət
- 11 Dekabr 2012 10:49
- 1 576
“Qəbələ RLS-nin fəaliyyəti Azərbaycan üçün faydalı olmayıb”
“Qəbələ RLS-nin fəaliyyəti Azərbaycan üçün nə iqtisadi, nə də hərbi baxımdan faydalı olmayıb.
"Qəbələ RLS-nin fəaliyyəti Azərbaycan üçün nə iqtisadi, nə də hərbi baxımdan faydalı olmayıb. Ona görə də bu proses gec-tez baş verməli idi". Bunu AzNews.az-a açıqlamasında "Azərbaycan Naminə" İctimai Mərkəzin prezidenti, politoloq Eldar Namazov bildirib.E.Namazov söyləyib ki, Rusiyanın Qəbələ Raketdən Müdafiə Kompleksindən (RLS) imtina etməsi gözlənilən idi. Onun sözlərinə görə, Rusiyada hansısa dairələrin Qəbələ RLS-nin fəaliyyətinə münasibəti yaxşı deyil: "Güman edirəm ki, Qəbələ RLS-nin bağlanılması Rusiya-Azərbaycan münasibətlərinə həlledici təsir göstərə bilməz. İnanmıram ki, bu məsələyə görə Rusiya-Azərbaycan münasibətlərində ciddi nəsə baş versin. Nəzərə almaq lazımdır ki, Rusiya çoxdan bəri Qəbələ RLS-nin əvəzlənməsi üçün müxtəlif tədbirlər görür. Hətta Qəbələ RLS Rusiya ərazisində yerləşsəydi belə, o yenisi ilə əvəzlənəcəkdi".
Rusiya-Azərbaycan münasibətlərinin indiki vəziyyətinə də toxunan E.Namazov hazırda Rusiya-Azərbaycan münasibətlərində müəyyən gərginliyin hiss olunduğunu deyib: "Bu gərginlikləri mətbuatda da müşahidə etmək mümkündür. Demək olar ki, bu gərginlik şəxsi münasibətlərə köklənib. Bu isə o qədər də yaxşı hal deyil və demokratik olmayan ölkələrə xasdır".
Vasif Həsənli
AzNews.az