İstanbul metrosunda - Terror həyəcanı - Fotolar

39 nəfərin öldüyü, 65 nəfərin yaralandığı Reina klubunda terror hücumunu təşkil edən terrorçu Abdulgadir Masharipov İstanbulun Bağçılar Metro stansiyasında görülüb.

AzNews.az Hürriyet-ə istinadən xəbər verir ki, polis metrostansiyanı bağlayaraq axtarışlara başlayıb. Metronun kamera görüntülərini araşdıran polis, şübhəli şəxsin bir başqa istiqamətə getmə ehtimalını nəzərə alaraq genişmiqyaslı axtarışları davam etdirir. Təxminən bir saat davam edən axtarışlardan sonra stansiya sərnişinlər üçün açılıb.

Digər tərəfdən xətlə əlaqəsi olan Atatürk aeroportundakı dayanacaqda da güclü təhlükəsizlik tədbirləri görülür.