- Köhnə - Siyasət
- 23 Fevral 2017 12:46
- 22 985
Generaldan müharibə ilə bağlı şok açıqlama- “Vəziyyət gərginləşəcək”
“Cəbhə xəttində vəziyyət hər an dəyişə bilər.”
Bunu AzNews.az-a açıqlamasında hərbi ekspert, general-leytenant Yaşar Aydəmirov bildirib. Onun sözlərinə görə, cəhbə xəttində vəziyyət ermənilər tərəfindən gərginləşdirilir:
"Son günlər ermənilər yenə təmas xəttini pozublar. Ermənilər qeyri-stabil vəziyyət yaratmaq məqsədi ilə bölgədə durmadan gərginliyi artırırlar. Onlar hüçuma keçən kimi də Azərbaycan Silahlı Qüvvələri tərəfindən tutarlı cavablar alırlar. Bizimkilər onların hər təxribatının qarşısını alır. Bütün bunlar Ermənistan-Azərbaycan qoşunlarının təmas xəttində yaranmış vəziyyətin getdikçə gərginləşməsindən xəbər verir.”
Yaşar Aydəmirov hesab edir ki, mart-apel ayında cəbhə bölgələrində vəziyyət yenidən gərginləşəcək: “Hesab edirəm ki, vəziyyət dəyişsə, döyüşlər ötən il aprel ayında olduğu kimi getməyəcək. Yəni, bu dəfə döyüşlər daha uzun çəkəcək.”
Bahar RÜSTƏMLİ
AzNews.az