- Köhnə - Siyasət
- 25 Aprel 2018 19:43
- 1 801
Azərbaycan və Türkiyə əməkdaşlıqda yeni müstəviyə keçir - Ekspert
Azərbaycan və Türkiyə əməkdaşlıqda yeni müstəviyə keçirlər.
AzNews.az Trend-ə istinadən xəbər verir ki, bunu iqtisadçı ekspert, iqtisadiyyat elmləri doktoru Müslüm İbrahimov deyib.
M.İbrahimov qeyd edib ki, Azərbaycan və Türkiyə aparıcı iqtisadi tərəfdaşlardır:
“Ölkələr arasında ticarət dövriyyəsi və qarşılıqlı investisiyaların həcmi artır. “Cənub Qaz Dəhlizi” kimi layihələr regionda əməkdaşlığın yeni formatını yaradır. Bu layihələr Türkiyənin Ermənistan istisna olmaqla Cənubi Qafqaz ölkələri ilə daha sıx inteqrasiyasına xidmət edir”.
Azərbaycan və Türkiyə tərəfindən reallaşdırılan birgə layihələrdən danışan ekspert “Cənub Qaz Dəhlizi”nin vacibliyini qeyd edib:
“Bu gün Azərbaycan qeyri-neft sektorunu inkişaf etdirsə də, neft-qaz layihələrindən imtina etməyə hazırlaşmır. Azərbaycan təkcə enerji ehtiyatlarının ixracatçısı olmayacaq, həm də yanacaq tranzitindən əlavə mənfəət əldə edə bilər. Ümumilikdə, layihə həm Azərbaycanın, həm də Türkiyənin, eləcə də digər iştirakçı ölkələrin iqtisadiyyatının inkişafına töhfə verəcək”.