17:11
(077) 610-22-33

Sədr müavini: “...əks halda müxalifət məğlub olacaq”

  • >
648 27 Sentyabr 2012 08:42 | Siyasət

Müxalifət vahid komanda ilə seçkilərdə iştirak etməlidir



"İctimai Palatadakı QHT-lər partiyaların verdiyi qərarların məsuliyyətini daşıya bilməzlər". Bunu AzNews.az-a açıqlamasında Azərbaycan Demokrat Partiyasının (ADP) sədr müavini Taliyət Əliyev deyib. Onun sözlərinə görə, İP-in buraxılması ilə bağlı fikirləri Sərdar Cəlaloğlu bildirib: "O, bu sözləri nəyə görə dediyini əsaslandırıb.

Hesab edirik ki, müxalifətin birliyinin İctimai Palatada da ola bilər. İP-də üst qurum kimi aparıcı müxalifət partiyaların birliyi təşkil olunsa yaxşı olar. Orada bu kimi məsələlər müzakirə olunmalıdır. Partiyaların verdiyi qərarların məsuliyyətini də partiyalar daşımalıdır. Çünki, İP-də bu gün bir sıra QHT-lər mövcuddur, onlar partiyaların verdiyi qərarın məsuliyyətini daşıya bilməzlər, nə qanuni, nə siyasi baxımdan."

Partiya funksioneri əlavə edib ki, : "Bizim 2013-cü il prezident seçkiləri ilə bağlı mövqeyimiz ondan ibarətdir ki, müxalifət vahid komanda və vahid lider şəklində seçkilərə qatılmalıdır. Bu halda müxalifət uğur qazana bilər, əks halda isə məğlubiyyəti qaçılmazdır".

İlkin
AzNews.az
Bağla X