İlham Əliyev Angela Merkelə başsağlığı verdi

Azərbaycan Prezidenti İlham Əliyev Almaniya Federal Kansleri Angela Merkelə başsağlığı verib.

Başsağlığında deyilir: "Hörmətli xanım Federal Kansler, "Germanwings" şirkətinə məxsus A320 təyyarəsinin qəzaya uğraması nəticəsində çoxlu sayda həmvətəninizin həlak olması xəbəri məni olduqca sarsıtdı. Bu faciə ilə əlaqədar dərdinizi bölüşür, Sizə, həlak olanların ailələrinə və yaxınlarına, bütün Almaniya xalqına şəxsən öz adımdan və Azərbaycan xalqı adından dərin hüznlə başsağlığı verirəm".