İlham Əliyev ailə üzvləri ilə birlikdə Gül bayramında- FOTOLAR

Mərhum president, siyasi xadim Heydər Əliyevin anadan olmasının 92-ci ildönümü münasibətilə Heydər Əliyev Sarayının qarşısındakı parkda və sarayın arxasındakı Şəhər Mərkəzi Parkında Gül bayramı təşkil olunub.

AzNews.az xəbər verir ki, prezident İlham Əliyev, xanımı Mehriban Əliyeva və ailə üzvləri Gül bayramında iştirak ediblər.

Bakı Şəhər İcra Hakimiyyətinin təşkil etdiyi Gül bayramda çiçəklərdən, yarpaqlardan və bitkilərdən rəngarəng kompozisiyalar hazırlanıb.
Burada rəngbərəng güllərdən hörülən, yazın gəlişinə həsr olunan kompozisiyalar nümayiş etdirilir.

Dövlət başçısı İlham Əliyev və xanımı Mehriban Əliyeva parka toplaşan uşaqlarla xatirə şəkilləri çəkdiriblər.