Şvartsneqer Makron və onun xanımı ilə görüşdü - Fotolar + Video

Hollivud aktyoru Arnold Şvartsneqer Fransanın yeni seçilən prezidenti Emmanuel Makronla görüşüb.

AzNews.az xəbər verir ki, bu barədə Şvartsneqer öz instaqram hesabında məlumat verib. Son zamanlar nəinki siyasətdə, eləcə də ictimai fəaliyyətdə fəal olan Şvartsneqer Parisdə Makronla hazırda aktual olan və ABŞ prezidenti Trampın Fransa ilə razılaşdırılmış qərarı əsasında ekoloji prolemlərlə bağlı fikir mübadiləsi aparıb. O, Fransa prezidenti ilə görüşündən çox məmnun olduğunu qeyd edib və çoxlu müzakirələr apardıqlarını bildirib:

“Makronla görüşmək mənim üçün çox böyük şərəf idi. Biz gələcəkdə bir yerdə görəcəyimiz işlərlə bağlı müzakirələr apardıq. O, əla liderdir”.

Şvartsneqerin izləyiciləri onların görüşünün əsas mahiyyətinin gizli məqamları olduğunu vurğulayıblar. Lakin, aktyor bu barədə geniş məlumat verməyib. O, həm də Fransanın birinci xanımı Brijit Makronla da görüşüb və onunla söhbət edib.