Qasırğa daşqınlara səbəb oldu - İnsanlar qayıqlardan istifadə edirlər + Video

Amerika Birləşmiş Ştatlarının Texas ştatında müşahidə olunan “Harvi” qasırğası daşqınlara səbəb olub.

AzNews.az xarici mətbuata istinadən xəbər verir ki, əsasən, Dikinson əyalətində daşqınlarla əlaqədar böhran vəziyyəti yaranıb. Daşqın suları yolları çay məcralarına çevirib. Minlərlə insan suların əhatəsində qalıb. İnsanlar təcrid olunan bölgələrdən xilas olmaq üçün mühərrikli və avarlı qayıqlardan istifadə edirlər. Daşqın sularının hündürlüyü bəzi yerlərdə 1.50 metrə çatıb.

Qasırğa yüzlərlə evin damını uçurub. Şiddətli küləklər ağacları, dirəkləri aşırıb.

Bəxtiyar Abbasov

AzNews.az