Polkovnikin oğlu maşını 150 ilə sürürmüş - Hadisənin təfərrüatı

5 Avqust 2016 13:14 (UTC+04:00)

Mərhumun cənasəzi Bakıya gətirilib, bu gün dəfn ediləcək.

Anar Hüseynov evli olub, Vergilər Nazirliyinin əməkdaşı imiş.

Dünən gecə baş verən məlum faciə ilə bağlı daha bir necə maraqlı detal əldə edilib.

Belə ki, hadisənin baş verməsinə səbəb yüksək sürət olub. Anar Hüseynov avtomobili yüksək sürətlə idarə edib və 90 dərəcəli bucaq altında olan dairəyə 150 sürətlə daxil olub. Avtomobil dairədə idarəetmədən çıxıb və aşaraq 100 metr kənara yuvarlanıb. Tam istifadəsiz vəziyyətə düşən "Range Rover"dən sürücünü ölümcül halda çıxarıb xəstəxanaya çatdırsalar da, həyatını xilas etmək mümkün olmayıb. O da məlum olub ki, Anar Hüseynovun atası, Azərbaycanda uzun illər polis rəisi vəzifəsində çalışan Möhübbət Hüseynov hazırda xaricdədir və ölkəyə bu gün dönüşü gözlənilir.

Qafqazinfo.az