“Bundan sonra danışa bilərlər” - Məşqçisindən Orucovun qələbəsiylə bağlı müsahibə
9 Avqust 2016 13:43 (UTC+04:00)
- Fərhad bəy, Rüstəm Orucovun medal qazanacağına inanırdınız?
- Əlbəttə ki, inanırdıq. Böyük ümidlərimizdən biri o idi.
- Bəs sizcə onun qızıl qazanmasına nə mane oldu?
- Ono güclü rəqibdir. Amma idmançımız Rüstəm Orucov da texniki və dözümlülük cəhətdən ondan geri qalmadı. Fiziki cəhətdən çatdırmadığı üçün finalı əldən verdi.
- Rüstəm Orucovdan öncəki cüdoçular Nicat Şıxalızadə və Orxan Səfərov gözləniləni doğrultmadı. Orxan Səfərova olan ümidlər çox böyük idi…
- Orxan da bu yarışa tam hazır idi. Olimpiya Oyunlarında iştirak etmək tam başqa hissdir. Ona görə Orxan özünü toparlaya, güləşini tam göstərə bilmədi.
- Bəs Nicat Şıxalızadə?
- Nicat texniki səhvinin üzündən uduzdu.
- Növbəti olimpiya medalı hansı cüdoçulardan gələ bilər?
- Elmar Məmmədova ümidim böyükdür. Amma unutmayaq ki, Olimpiya Oyunları sürprizlərlə doludur. Burada çox güclü idmançılar məğlub oldu. Bu üç gündə hər üç idmançımız xarakter göstərsə, uğurlu ola bilər.
- Rüstəm Orucovun gümüş medalı digər idmançılarımıza müsbət təsir göstərə bilərmi?
- Bəli, uşaqlarda ab-hava yüksəkdir.
- Hansı əyarlı medallara ümid var?
- Onu demək çətindir, qismət nədirsə, o olacaq.
- Məlumatlara görə baş məşqçi Peter Zeyzenbaxer cüdoçuların mətbuata açıqlama verməsinə qadağa qoyub. Bu, doğrudurmu?
- Yarışa qədər… Yarışdan sonra isə sərbəstdirlər. Bundan sonra danışa bilərlər.
Aygün İLQARQIZI