Salyanda ağır qəza - Gənc oğlan öldü, anası yaralandı

11 Avqust 2016 19:56 (UTC+04:00)

Ələt-Astara magistralında baş vermiş qəza nəticəsində bir nəfər ölüb, iki nəfər xəsarət alıb.

Neftçala rayonu, 1-ci Mayak qəsəbə sakini, 1954-cü il təvəllüdlü Cavadov Vidadi Cahangir oğlunun idarə etdiyi "Mercedes" markalı 47 BD 292 dövlət nömrə nişanlı avtomobil qarşıda gedən yük maşınına çırpılıb. Nəticədə avtomobildə olan sərnişin - sürücünün oğlu, 1990-cı il təvəllüdlü Cavadov Natiq Vidadi oğlu aldığı xəsarətlərdən hadisə yerində ölüb.

Sürücünün həyat yoldaşı, Neftçalanın 1-ci Mayak sakini, 59 yaşlı Mələknisə Həsənbala qızı Cavadova isə müxtəlif dərəcəli bədən xəsarətləri ilə Salyan Mərkəzi Rayon Xəstəxanasına yerləşdirilib. Xəstəxanada ilk tibbi yardım göstərildikdən sonra o, ambulator müalicəyə göndərilib.

Faktla bağlı araşdırma aparılır.

APA.az