Növbəti medal Kamran Şahsuvarlıdan gəldi

18 Avqust 2016 22:16 (UTC+04:00)

AzNews.az-ın məlumatına görə, rəqib kubalı dünya çempionu Arlen Lopes olub.

Görüş Lopesin üstünlüyü şəraitində keçib, o hər 3 raundu qələbə ilə başa vurub.

Beləliklə, Şahsuvarlı Azərbaycanın "Rio-2016"da 9-cu medalını rəsmiləşdirib. Bunadək cüdoçu Rüstəm Orucovla (73 kq) Elmar Qasımov (100 kq), qadın güləşçi Mariya Stadnik (48 kq) və kanoeçi Valentin Demyanenko (1 nəfərlik qayıqla 200 metr məsafəyə yürüş) gümüş, yunan-Roma güləşçiləri Rəsul Çunayevlə (66 kq) Sabah Şəriəti (130 kq), eləcə də kayakçı İnna Osipenko-Radomskaya (1 nəfərlik qayıqla 200 metr məsafəyə yürüşdə) və taekvondoçu Patimat Abakarova (49 kq) bürünc medal qazanıb.