“Qiyamət günü” Azərbaycanda konsert olacaq

6 Dekabr 2012 15:01 (UTC+04:00)

Əməkdar artist Tünzalə Ağayeva ilə tanınmış ifaçı Miri Yusif eyni səhnəni bölüşəcək. Bu barədə AzNews.az-a konsert keçirilən məkanın piar meneceri Elvir Salamov deyib. O, bildirib ki, cütlüyün konserti çox maraqlı və bütün dünyanın diqqətini cəlb edən gündə olacaq: "Tünzalə xanımla Miri Yusifin konserti 21 dekabr tarixində baş tutacaq. Bildiyiniz kimi, bu tarix nə vaxtandır ki, insanların diqqətindədir. Çünki insanların əksəriyyəti düşünür ki, dekabrın 21-i dünyanın sonudur".

Menecer onu da qeyd edib ki, T.Ağayeva konsert zamanı caz mahnıları ifa edəcək: "Həmin gün əsl caz şousu olacaq".

Fuad Mədətov
AzNews.az